सानदार जबर्जस्त जिन्दाबाद!

केहि स्वर्णिम शब्दहरु लेख्नका लागी स्वर्णपत्र,ताम्रपत्र वा शिलालेख चाहिदैनन्, यस्ता कुराहरु ह्रदयभित्रै लेखिन्छन् । यस्तैगरि मेरो ह्रदय भरि आजकल लेखिएका छन् दशरथ माझी र उनको कार्यहरु । 
दशरथ माझीका बारे वर्ष अगाडि पत्रिकामा पढेको थिए । उनको बारेमा धेरै नजान्दा नजान्दै पनि उनीप्रति श्रद्घावान थिए । केहि दिन अगाडि उनी उपर बनेको चलचित्र हेरेपछि उनि प्रतिको सम्मान भाव ह्वात्तै बढेर आयो । करिब २२ वर्ष लगाएर ७२ कि.मि. दुरीलाई १ कि.मि. मा परिणत गर्नु जति पुजनिय छ त्यति नै पुजनिय छ उनको दृढ संकल्प,संघर्ष र सहास । सिभिल इन्जिनियरिङका बाटो निर्माणका बिभिन्न चरणलाई एक्लै डोराउदै समाजका अवरोधलाई भत्काउदै सफलता चुम्न सफल उनी मानवता भित्रको सकारात्मक भावका पराकाष्ट हुन् र प्रभुका प्रतिमुर्ति हुन् । आफ्नो प्रेम र समाज सेवा प्रति उत्पन्न भएको एउटा सकारात्मक पागलपनले मानव जिवनलाई स्वतं सफल बनाउछ भन्ने कुरालाई छर्लङ्ग बनाएका माझी प्रति म कृतज्ञ छु र उनको त्यो कार्यलाई नमन गर्दछु । यस्ता राम्रा विषयमा चलचित्र बनाउने टिमलाई पनि धेरै धेरै धन्यबाद । प्रकृतिले मेरो धन्यबाद उनीहरुलाई माझ पुर्याओस् । सबैलाई सानदार,जबरजस्त, जिन्दाबाद ।